Kvennaráðgjöfin

Er ekki nóg fyrir mig að fá kennitölu og skattkort? Get ég þá ekki farið að vinna?

Nei það er ekki nóg. Ef þú ert frá landi utan EES-svæðisins þá þarftu bæði dvalar- og atvinnuleyfi á Íslandi. Vinnuveitandi þinn sækir um atvinnuleyfið og þú um dvalarleyfið. Þú mátt ekki vera á landinu þegar leyfin eru gefin út í fyrsta sinn.

Read more: Er ekki nóg fyrir mig að fá kennitölu og skattkort? Get ég þá ekki farið að vinna?

Ef ég skil við manninn minn áður en ég fæ búsetuleyfi, má ég þá ekki vera lengur á Íslandi?

Jú, þú mátt vera lengur á Íslandi. Hvað þú þarft að gera til að vera áfram á landinu fer eftir því hvaðan þú ert. Ef þú ert ekki EES-borgari og hefur verið gift Íslendingi, þá þarftu að fá þér vinnu, eða, ef þú hefur vinnu, að biðja vinnuveitanda þinn að sækja um atvinnuleyfi fyrir þig og sækja um nýtt dvalarleyfi.

Read more: Ef ég skil við manninn minn áður en ég fæ búsetuleyfi, má ég þá ekki vera lengur á Íslandi?

Ég er frá ríki utan EES en konan mín er frá Hollandi. Þarf ég atvinnuleyfi?

Aðstandandi (t.d. maki) ríkisborgara EES-ríkis eða EFTA-ríkis sem dvelur löglega hér á landi á rétt til að ráða sig til starfa eða að starfa sem sjálfstætt starfandi einstaklingur á íslenskum vinnumarkaði óháð þjóðerni. Þú getur því starfað (unnið) hér á landi án atvinnuleyfis.